ӨСВӨРИЙН ХӨЛБӨМБӨГИЙН ШИГШЭЭ БАГИЙНХАН АЗИЙН АВАРГАД ОРОЛЦОХООР МОРДОНО

Монгол Улсын хөлбөмбөгийн 13 хүртэл насны хөлбөмбөгийн шигшээ багийнхан анх удаагаа зохион байгуулагдаж байгаа Азийн аварга шалгаруулах хөлбөмбөгийн  тэмцээнд оролцохоор Хонг Конг улсыг зорих гэж байна. Энэхүү тэмцээний урьдчилан шалгаруулах тоглолтод нийт 46 улсын шигшээ баг оролцож байна. Тэд 8 хэсэгт 5-6 шигшээ багууд хувиарлагдан оролцож байгаа бөгөөд Монгол улсын шигшээ баг H хэсэгт Япон, БНАСАУ, ХонгКонг, Макао улсын багтай нэг хэсэгт орсон юм. Хэсгээс тус бүр 2 баг буюу нийт 16 баг дараагийн шатанд шалгарах ажээ.

Манай өсвөрийн хөлбөмбөгчид дараахь хуваариар тоглох юм.

2013/04/12      15:00   MACAU          vs         MONGOLIA

2013/04/14      15:00   MONGOLIA    vs         JAPAN

2013/04/16      17:30   DPR KOREA   vs         MONGOLIA

2013/04/17      17:30   MONGOLIA    vs         HONG KONG

Шигшээ багийн ахлах дасгалжуулагчаар спортын мастер Донтор, туслах дасгалжуулагчаар спортын мастер Батболд нар ажиллаж байна.

Өсвөрийн шигшээ багийн тамирчиддаа спортын өндөр амжилтыг хүсэн ерөөе.

МОНГОЛЫН ХӨЛБӨМБӨГИЙН ХОЛБОО